रुरल माइक्रोफाइनान्सको १९औं वार्षिक साधारण सभाबाट २० प्रतिशत लाभांश पाइने
काठमाडौं, २७ मंसिर । रुरल माइक्रोफाइनान्सले पौष २८ गते १९औं वार्षिक साधारण सभाका लागि शेयरधनीरुलाई बोलाएको छ । उक्त साधारण सभामा माइक्रोफाइनान्सले शेयरधनीहरुलाई २० प्रतिशत लाभांश दिने बताएको छ । २० प्रतिशत लाभांश मध्ये माइक्रोफाइनान्सले ५ प्रतिशत बोनस शेयर र १५ प्रतिशत नगद लाभांश दिदैछ ।
लाभांश प्रयोजनका लागि माइक्रोफाइनान्सले पौष ७ देखी २८ गतेसम्म शेयर दर्ता पुस्तिका बन्द गर्ने भएको छ । शेयरधनीहरुले पौष ६ गतेसम्ममा माइक्रोफाइनान्सको शेयर किन्नेमा २० प्रतिशत लाभांश पाउँनेछन् ।
बोनस शेयर वितरण पछि माइक्रोफाइनान्सको चुक्ता पुँजी ७२ करोड ६७ लाख रुपैयाँ पुग्ने छ । माइक्रोफाइनान्सको हाल चुक्ता पुँजी ६९ करोड २१ लाख रुपैयाँ रहेको छ ।
