कामना सेवा विकास बैंकको निःशुल्क बीमा सहितको नयाँ बचत योजना
काठमाडौं, ३० चैत । कामना सेवा विकास बैंकले “प्रगतिको आधार कामना सेवासँग कारोवार” भन्ने मुलनाराका साथ निः शुल्क बीमा सहितको नयाँ बचत योजना सार्वजानिक गरेको छ । बैंकले नेपाल सरकार तथा नेपाल राष्ट्र बैंकको “खोलौ बैंक खाता अभियान २०७६” अभियानलाई सफल पार्ने उद्देश्यले बचत योजना सार्वजनिक गरेको हो ।
बैंकले वैशाख १ गते देखि लागु हुने गरी बचत खाता संचालनमा गर्ने भएकोे छ । उक्त खाता खोल्ने हरेक व्यक्तिलाई बैंकले १ सय नगद खातामा जम्मा गरिदिने छ भने आफ्नै खर्चमा सात लाख सम्मको दुर्घटना बीमा समेत गरी दिने बैंकले जनाएको छ ।
हालसम्म बैंकले मुलुकभर ८१ वटा शाखा तथा ३७ वटा एटिएम मार्फत गा्रहकहरुलाई आफनो सेवाहरु प्रदानगर्दै आएको छ ।
