सानिमा बैंकको २७ लाख १८ हजार संस्थापक सेयर कर्मचारी संचय कोषले खरिद गर्यो

काठमाडौं, ४ बैशाख । सानिमा बैंकको २७ लाख १८ हजार ८ सय ३५ कित्ता संस्थापक सेयर कर्मचारी सञ्चयकोषले खरिद गरेको छ । सञ्चयकोषले प्रतिकित्ता १ सय ८० रुपैयाँ १० पैसाका दरले सबै कित्ता सेयर खरिद गरेको हो ।

बैंकाले चैत ७ देखि २५ गतेसम्म संस्थापक समूहको उक्त सेयर लिलामीमा ल्याएको थियो । लिलामीमा न्यूनतम १ सय ८० रुपैयाँलाई आधार मानेर बोलपत्र पेश गर्नुपर्ने व्यवस्था रहेको थियो । कर्मचारी सञ्चयकोषले कबोल गरेको १ सय ८० रुपैयाँ १० पैसामै सबै सेयर हात पारेको छ । यो संस्थापक सेयर लिलामीमार्फत खरिद गर्दा सञ्चयकोषले कुल ४८ करोड ९६ लाख ६२ हजार रुपैयाँ लगानी गरेको छ ।