हानको अध्यक्षमा राणा चयन हुने लगभग निश्चित
काठमाडौं, २२ बैशाख । होटल एसोसिएसन अफ नेपाल (हान) को अध्यक्षमा सृजना राणा चयन हुने लगभग निश्चित भएको छ । आगामी बिहिबार हुने हानको ४६ औं साधारण सभाले अध्यक्षमा चयन भएको घोषणा गरिने छ ।
राणा पाँचतारे होटल डेला अन्नपूर्णकी कार्यकारी निर्देशक हुन । हालको कार्यसमितिको उपाध्यक्ष हुन ।
नयाँ कार्यसमितिको प्रथम उपाध्यक्षमा हालका महासचिव विनायक शाह हुने पक्का पक्कि छ । यस्तै महासचिव र अन्यपदमा पनि सर्वसम्मतरुपमा चयन गर्ने तयारी चलिरहेको बताइएको छ।
हानको सदस्यमा मनोनितसहित २१ जना नयाँ कार्यसमिति रहने छन् ।
