सोमबार नेप्सेमा झिनो अंकले वृद्धि, सेयर बजार १३ सय भन्दा माथि
काठमाडौं, २४ बैशाख । साताको दोस्रो कारोबार सोमबार (आज) सेयर बजारमा झिनो अंकले वृद्धि भएको छ । नेपाल स्टक एक्सचेन्ज (नेप्से)मा १.८७ अंकले वृद्धि हुँदा बजार १३०१.२८ विन्दुमा पुगेको हो ।
१ सय ७६ कम्पनीको २५ लाख २० हजार ७९० सेयर खरिद विक्री हुँदा ७२ करोड ८८ लाख २८ हजार ७४५ रुपैयाँको कारोबार भएको छ । सबैभन्दा बढी सेयर कारोबार नेपाल क्रेडिट एण्ड कमर्स बैंक लिमिटेडको भएको छ । जसको ५ करोड ९९ लाख रुपैयाँ भन्दा बढीको सेयर कारोबार कारोबार भएको हो ।
सबैभन्दा बढी हिमालयन डिस्टिलरी कम्पनीका सेयरकर्ताहरुले कमाएका छन् भने सबैभन्दा बढी गुमाउँनेमा पाँचथर पावर कम्पनी लिमिटेडका सेयरकर्ता रहेका छन् । नेप्सेमा सूचिकृत समूहहरुमध्ये दुई समूहको परिसूचक घटेको छ । परिसूचक घट्नेमा बैंकिङ्ग समूह र फाईनान्स समूह रहेका छन् । बैंकिङ्ग समूहको परिसूचक ०.२२ प्रतिशतले घटेको छ भने फाईनान्स समूहको परिसूचक ०.३१ प्रतिशतले घटेको छ ।
