सेयर बजार ४.४२ अंकले बृद्धि, सबैभन्दा बढी सेयर कारोबार नेपाल बैंकको
काठमाडौं, ७ जेठ । दुई दिनदेखि लगातार घटेको सेयर बजार साताको तेस्रो कारोबारमा (आज) सुधार आएको छ । आईतबार र सोमबार लगातार १.७८ र ९.१३ अंकले घटेको नेपाल स्टक एक्सचेन्ज (नेप्से) मंगलबार भने ४.४२ अंकले बृद्धि भई १३१२.१४ बिन्दुमा रोकिएको हो ।
त्यस्तै सबैभन्दा बढी सेयर कारोबार नेपाल बैंक लिमिटेडको भएको छ । उक्त बैंकको ८ करोड ६६ लाख रुपैयाँ भन्दाबढीको सेयर कारोबार भएको हो । दोस्रोमा शिवम् सिमेण्टले ६ करोड ८८ लाख रुपैयाँ भन्दा बढीको सेयर कारोबार गरेको छ ।
१ सय ७३ कम्पनीको ३१ लाख २ हजार २८४ कित्ता सेयर खरिदबिक्री हुँदा ८१ करोड ४४ लाख ५२ हजार २६८ रुपैयाँको कारोबार भएको छ । सबैभन्दा बढी कमाउँनेमा लल्टिपर्पाेज फाइनान्स कम्पनी लिमिटेडका सेयरधनीहरु रहेका छन् । उक्त कम्पनीको प्रतिसेयर मूल्य ९.९४ प्रतिशतले बृद्धि भएको छ । सबैभन्दा बढी गुमाउँनेमा समिट लघुवित्त वित्तीय संस्था लिमिटेडका सेयरधनीहरु रहेका छन् । उक्त वित्तीय संस्थाको प्रतिसेयर मूल्य ७.०५६८ प्रतिशतले गिरावट आएको छ ।
नेप्सेमा सूचिकृत १२ समूहमध्ये ३ समूहको परिसूचकमा गिरावट आएको छ भने अन्य ९ वटा समूहको परिसूचकमा हरियाली छाएको छ । उत्पादन तथा प्रशोधन, अन्य र माइक्रोफाइनान्स समूहको परिसूचकमा गिरावट आएको हो ।
