अनलाईन राफसाफ सुरु भएको पहिलो दिन नै सेयर बजारमा दोहोरो अंकको गिरावट
काठमाडौं, १२ जेठ । साताको पहिलो कारोबार दिन आइतबार (आज) सेयर बजारमा दोहोरो अंकको गिरावट आएको छ । बजार खुले देखि नै क्रमशः ओरालो लागेको नेप्से परिसूचक ११.९३ अंकले घटेर १३०२.६१ को बिन्दुमा थामिएको छ।
आज कारोबारमा आएका सबै समूहको उपसूचकमा गिरावट आएको छ । जीवन बीमा समूहको उपसूचक ३८.०१ अंकले घटेको छ। त्यस्तै, निर्जीवन बीमा समूह ३५.०८, हाइड्रोपावर ३०.७१, होटल ३२.३६, बैंक ९.०६ र विकास बैंक १४.६५ अंकले घटेको छ ।
१ सय ६५ कम्पनीको ६२ करोड ६२ लाख रुपैयाँ बराबरको सेयर कारोबार भएको छ । त्यसमा नेपाल बैंकको सबैभन्दा धेरै अर्थात ४ करोड ४८ लाख रुपैयाँ बराबरको सेयर कारोबार भएको छ। त्यस्तै सबैभन्दा धेरै कमाउनेमा भने क्रमश ः ग्लोबल आइएमई लघुवित्त वित्तीय संस्था, एनएमबी माइक्रोफाइनान्स वित्तीय संस्थाका लगानीकर्ता रहेका छन् भने गुमाउनेमा जोशी हाइड्रोपावर डेभलपमेन्ट कम्पनी, हिमालयन डिष्टिरी लगायतका लगानीकर्ता छन् ।
सेयर कारोबारमा आज देनि अनलाईबाटै राफसाफ प्रणालीको सुरुवात गरेको गरिएको थियो । यो व्यवस्था लागु भएसँगै अव सेयर खरिदपछि लगानीकर्ता चेक बोकेर ब्रोकर कार्यालय जानु पर्ने झन्झटबाट मुक्त भएका छन् ।
