सेयर बजारमा दोहोरो अंकले बृद्धि, सबैभन्दा बढी सेयर कारोबार मेगा बैंकको
काठमाडौं, १७ असार । साताको तेस्रो कारोबार दिन (आज) सेयर बजारमा दोहोरो अंकले सुधार आएको छ । आज नेपाल स्टक एक्सचेन्ज (नेप्से) ११.०२ अंकले बृद्धि भई १२५३.०६ विन्दुमा रोकिएको हो ।
१ सय ७० कम्पनीको १४ लाख ६६ हजार ८९७ कित्ता सेयर खरिद–विक्री हुँदा ४२ करोड ९४ लाख ७७ हजार २८८ रुपैयाँको कारोबार भएको छ । साथै सबैभन्दा बढी सेयर कारोबार मेगा बैंक नेपाल लिमिटेडको भएको छ । उक्त बैंकको ४ करोड ९५ लाख रुपैयाँभन्दा बढीको सेयर कारोबार भएको हो ।
त्यस्तै सबैभन्दा बढी कमाउनेमा स्वरोजगार लघुवित्त वित्तीय विकास बैंक लिमिटेडका सेयरधनीहरु रहेका छन् । लघुवित्त बैंकको आज प्रतिसेयर मूल्य १० प्रतिशतले वृद्धि भएको छ । सबैभन्दा बढी गुमाउनेमा युनियन हाड्रोपावर लिमिटेडका सेयरधनीहरु रहेका छन् । उक्त हाड्रोपावरको प्रतिसेयर मूल्य ५.८८२३५ प्रतिशतले घटेको छ ।
त्यसैगरी नेप्सेमा सूचिकृत १२ समूहमध्ये ३ समूहको उपसूचक ओरालो लागेको छ भने अन्य ९ समूहको उपसूचकमा हरियाली छाएको छ । उपसूचक ओरालो लाग्नेमा टेन्डिङ, उत्पादन तथा प्रशोधन र अन्य समूह रहेका छन् ।
