थुनुवा ग्रिल उप्काएर तीन कैदी फरार

काठमाडौं,२४ असार । प्रहरी प्रभाग भैंसेपाटीको हिरासतबाट गएराति तीन जना कैदी फरार भएका छन् । थुनुवा ग्रिल उप्काएर भागेका भएकाहरु मध्ये दुई जना डाँका मुद्दाका र एक जना लागुऔषधका थुनुवा भएको प्रहरीले जनाएको छ । ललितपुर परिसर जावलाखेलमा राख्नुपर्नेमा ठाउँ अभावका कारण उनीहरुलाई भैंसेपाटीमा राखिएको थियो ।ललितपुर प्रहरी प्रमुख एसएसपी रविन्द्र धानुकले फरार भएकाहरुको खोजी कार्य जारी रहेको बताए ।डिउटी अधिकृतसहित चार जनालाई तत्कालै निलम्बनको प्रक्रियन अघि बढाइएको धानुकले जानकारी दिए ।