समयमा वर्षा नहुदा गत वर्ष भन्दा २३ प्रतिशत कम रोपाइँ, उत्पादन घट्ने अनुमान

काठमाडौं,३ साउन । साउन पहिलो हप्ता सम्म आइपुग्दा  देशभर जम्मा ४०.४६ प्रतिशत मात्र धान रोेपाइँ भएको छ । गत बर्षको तुलनामा यस वर्ष २३.४२ प्रतिशतले कम रोपाइ भएको पाइएको छ । कृषि तथा पशुपन्छी विकास मन्त्रालयले तथ्याङ्क अनुसार ४०.४६ मात्र रोपाइ भएको जनाएको हो । यस अवधिमा गत वर्ष ६३.८८ प्रतिशत रोपाइ भएको थियो ।

मन्सुन ढिलाइका कारण रोपाइ कम भएको मन्त्रालयले जनाएको छ ।  तराइमा भएको डुवना एव आएको बाढीको कारण रोपाइ प्रभावित भएको हो । मुलुकभर १४ लाख ९१ हजार हेक्टर क्षेत्रफलमा धान खेती हुन्छ । गत वर्ष अनुकूल मौसम, पर्याप्त सिँचाइ र रासायनिक मल उचित प्रबन्ध भएकै कारण ५६ लाख १० हजार मेट्रिक टन धान उत्पादन भएको थियो । समयमै प्रयाप्त रोपाइ नभएपछि यस बर्ष धान उत्पादन कम हुने देखिएको छ ।