जीवन बिमा कम्पनीले ७१ अर्ब ७४ करोड बिमाशुल्क आर्जन गरे
काठमाडौं, २९ साउन । गत आर्थिक बर्षमा जीवन बिमा कम्पनीहरुले ७१ अर्ब ७४ करोड रुपैयाँ बिमाशुल्क आर्जन गरेका छन् । बिमा समितिको तथ्यांक अनुसार बिमा कम्पनीहरुले प्रथम बिमाशुल्क बापत ३० अर्ब ४१ करोड रुपैयाँ आम्दानी गरेका छन् भने नविकरणीय शुल्क बापत ३९ अर्ब २६ करोड रुपैयाँ आम्दानी गरेका छन् ।
जीवन बिमा कम्पनीमध्ये नेपाल लाईफ इस्योरेन्स कम्पनी अग्रपंक्तीमा छ । कम्पनीले २२ अर्ब ८६ करोड रुपैयाँ आम्दानी गरेको छ । लाईफ इन्स्योरेन्स कर्पोरेशनले भने १३ अर्ब ६४ करोड रुपैया आर्जन गरेको छ । नेशनल लाईफ इन्स्योरेन्सले ७ अर्ब ९२ करोड रुपैयाँ आर्जन गरेको छ । नयाँ कम्पनीमध्ये युनियन लाईफले सबैभन्दा बढी २ अर्ब ७२ करोड रुपैया आर्जन गरेको छ ।
करिब साढे ५८ लाख बिमालेख जारी
गत आर्थिक वर्षमा जीवन बिमा कम्पनीहरुले करिब साढे ५८ लाख वटा बिमालेख जारी गरेका छन् । बिमा समितिको तथ्यांक अनुसार गत आवको अन्त्यसम्ममा कम्पनीहरुले ५८ लाख ३६ हजार ८सय ४० वटा बिमालेख जारी गरेका छन् । जीवन बिमा कम्पनीमध्ये ९ लाख ९३ हजार ८सय ७ वटा बिमालेख जारी गरेको छ । लाईफ इन्स्योरेन्स कम्पनीले ७ लाख ९४ हजार ४ सय ५१ र नेशनल लाईफ इन्स्योरेन्सले ५ लाख ३८ हजार ९ सय ५१ वटा बिमालेख जारी गरेको छ ।
साढे १६ लाख बैदेशिक रोजगार बिमा जारी
गत आवको अन्त्यसम्ममा जीवन बिमा कम्पनीहरुले साढे १६ लाख भन्दा बढी बिमालेख जारी गरेका छन् । बिमा समितिको तथ्यांक अनुसार कम्पनीहरुले १६ लाख ६१ हजार १०७ वटा बिमालेख जारी गरेका छन् । नेशनल लाईफले ३ लाख २९ हजार ४ सय ८३ वटा बिमालेख जारी गरेको छ । नेपाल लाईफले भने २ लाख १० हजार २ सय ७८ वटा बिमालेख जारी गरेको छ । सुर्या लाईफले सबैभन्दा बढी ४ लाख ६८ हजार ८ सय ५६ वटा बिमालेख जारी गरेको छ ।
