दूधको मूल्य बढाउनु पर्ने दवावमा सरकार, मूल्य सिफारिस गर्न समिति

काठमाडौं,३१ साउन । धुलो दुधको आयात रोकेको सरकार यतिवेला तत्काल दूधको मूल्य बढाउने दवावमा परेको छ । धुलो दुधको आयत रोकिएपछि माग बढी भएको र लामो समयसम्म दुधको मूल्य वृद्धि नभएको भन्दै दुधको मूल्य बढाउन किसान र व्यवसायीहरुले दवाव दिदै आएका छन् । किसान र ब्यवसायीको दवाव पछि उत्पादन मूल्य र लागत मूल्य बढेको भन्दै दूधको मूल्य बढाउने तयारी थालेको हो ।

किसान र व्यवसायीको मागअनुसार नै दूधको मूल्य बढाउने या अन्य विकल्प ल्याउने भन्ने विषयमा मन्त्रालयले छलफल गरिरहेको  कृषि तथा पशुपन्छी विकास चक्रपाणि खनालले बताए ।  व्यवसायीहरूल् कम्तिमा प्रतिलिटर मूल्य ६ देखि १० रुपैयाँ बढाउने माग गरेका छन् । तर यती कति बढाउने भन्ने विषयमा टुग्गो लागेको छैन । यस बारेमा थप अध्यान गरेर उचित सुझाब दिन सरकारले राष्ट्रिय दुग्ध विकास बोर्डका समितिका निमित्त कार्यकारी निर्देशक बाबुकाजी पन्त संयोजकत्वमा दूधको मूल्य सिफारिस गर्न ८ सदस्यीय समिति गठनसमेत गरेको छ । समितिमा राष्ट्रिय दुग्ध विकास बोर्ड, दुग्ध सहकारी संघ कृषि तथा पुशपन्छी विकास मन्त्रालय, डेरी उद्योग संघ र नेपाल डेरी एसोसिएसनलगायत संस्थाको प्रतिनिधिको रहेका छन् । मागको तुलनमा दैनिक ६२ हजार लिटर दुध अपुग रहेको डेरी ब्यवसायीहरुले बताउदै आएका छन् ।

Leave a Reply

Your email address will not be published. Required fields are marked *