नेप्से परिसूचक १२ सय तल झर्याे, कारोबार रकम झण्डै १३ करोड बढ्यो

काठमाडौं, ११ भदौ । साताको चौथो कारोबार दिन आज बुधबार नेपाल स्टक एक्सचेन्ज (नेप्से)मा दोहोरो अंकले गिरावट आएको छ । लागातार ओरालो लागेको नेप्से हिजो ४.८७ अंकले बृद्धि भएको थियो । तर, आज १०.२६ अंकले गिरावट आई ११९७.७५ विन्दुमा झरेको छ ।

आज नेप्सेमा गिरावट आएको भएपनि कारोबार रकमा भने बृद्धि भएको छ । हिजो २४ करोड रुपैयाँको सेयर कारोबार भएकोमा आज १ सय ६८ कम्पनीको १३ लाख २१ हजार ४ सय ८६ कित्ता सेयर ३७ कारोड २४ लाख रुपैयाँमा खरिद विक्री भएको छ ।

त्यस्तै सबैभन्दा बढी सेयर कारोबार रुरल माईक्रोफाईनान्स डेभलप्मेण्ट सेन्टर प्रमोटर सेयरको सबैभन्दा बढी सेयर कारोबार भएको छ । उक्त डेभलप्मेण्ट सेन्टरको १० करोड ४६ लाख रुपैयाँभन्दा बढीको सेयर कारोबार भएको हो । बढी सेयर कारोबार हुने दोस्रोमा कुमारी बैंक लिमिटेड रहेको छ । उक्त बैंकको ३ करोड ५० लाख रुपैयाँभन्दा बढीको सेयर कारोबार भएको छ ।
त्यसैगरी आज नेप्सेमा सूचिकृत सबै समूहको उपसूचकमा भने गिरावट आएको छ ।