लगातार दोस्रो दिन सेयर बजारमा सुधार, कारोबार रकममा भने कमि

काठमाडौं, १८ भदौ । झिनो दोहोरो अंकले दुधार आएको सेयर बजारमा आज भने झिनो अंकले मात्र सुधार भएको छ । केही दिनयता लगातार घटेको बजारमा हिजो र आज सुधार देखिएको हो । आज बजार ३.८७ अंकले बढेर ११९४.७७ को बिन्दुमा बन्द भएको छ ।

खुलेदेखि नै बढ्न थालेको बजार अन्तमा केही तल झरेर बन्द भएको हो । आज फाइनान्स, उत्पादन तथा प्रशोधन र अन्य समूहको परिसूचकमा गिरावट आएपनि बाँकी अरु समूहमा बृद्धि भएको छ । हिजोको तुलनामा कारोबार रकममा पनि कमि आएको छ । एक सय ६८ कम्पनीको ४३ करोड ६४ लाख रुपैयाँ बराबरको मात्र कारोबार भएको छ । त्यसमा पनि माछापुच्छ्रे बैंकको सबैभन्दा धेरै अर्थात ९ करोड ३० लाख रुपैयाँ बराबरको सेयर कारोबार भएको छ । त्यस्तै, नेपाल बैंकको पनि २ करोड रुपैयाँ भन्दा बढीको कारोबार भएको छ ।

आज सबैभन्दा धेरै पाँचथर पावर कम्पनीका लगानीकर्ताहरुले कमाएका छन् । कम्पनीको सेयर मूल्यमा ९.२८ प्रतिशतले बढेको छ भने हाइड्रो इलेक्ट्रिसिटि इन्भेष्टमेन्ट एन्ड डेभलपमेन्ट कम्पनीका लगानीकर्ताहरुले धेरै गुमाएका छन् । सो कम्पनीको सेयर मूल्यमा ३.४२ प्रतिशतले गिरावट आएको छ ।

 

 

Leave a Reply

Your email address will not be published. Required fields are marked *