निरन्तर घटिरहेको सेयर बजारमा लगानीका लागि अर्थमन्त्रीको आह्वान, थप नीतिगत व्यवस्था गर्न तयार रहेको जनाउ (भिडियो सामाग्री)

काठमाडौं, १३ असोज । अर्थमन्त्री डा.युवराज खतिवडाले सेयरमा लगानीका लागि आह्वान गरेका छन् । पुँजी बजारको विकासका लागि सरकारले पुँजीगत लाभकर र भ्याटको समस्या समाधान गरेको र थप नीतिगत व्यवस्था गर्न तयार रहेको जनाउदै उनले लगानीका लागि आह्वान गरेका हुन ।

केपी शर्मा ओलीको नेतृत्वमा सरकार गठन भएयता सेयर बजार क्रमशः ओरालो लागिरहेको छ । सरकारको नीतिगत असहजताका कारण बजारमा गिरावट आएको लागनीकर्ताहरुको आरोप छ ।

तीन वर्षअघि सर्वाधिक उचाई १८८१ को बिन्दुमा रहेको नेप्से परिसूचक अहिले घटेर ११ सय नजिक आइपुगेको छ । यो अवधिमा लगानीकर्ताहरुले धेरै रकम पनि गुमाइसकेका छन् । त्यसबाट निराश बनेका लगानीकर्ताहरुलाई हौस्याउन अर्थमन्त्री खतिवडाले आवश्यक सहयोग गर्न तयार रहेको बताएका हुन ।

Leave a Reply

Your email address will not be published. Required fields are marked *