दशैंको विदामा राष्ट्रिय वाणिज्य बैंकका २२ वटा शाखा खुला रहने

काठमाडौं, १४ असोज । दशैंको विदामा राष्ट्रिय वाणिज्य बैंकका २२ वटा शाखाहरु खुला रहने भएका छन् । बैकले बिदा हुने दिन असोज १८, १९, २० र २२ गते २२ वटा शाखा कार्यालयहरु बिहान १० बजेदेखि १ बजेसम्म खुला राख्ने जनाएको छ ।

काठमाडौं उपत्यका भित्रका शाखा कार्यालयहरु बानेश्वर, भोटाहिटी, महाराजगन्ज, कलंकी, ललितपुर, र त्रिभुवन अन्तराष्ट्रिय विमानस्थल खुल्ला रहने छन् भने उपत्यका बाहिरका विर्तामोड, दमक, इटहरी, बिराटनगर, जनकपुर, वीरगन्ज, नारायणगढ, बुटवल, भैरहवा, महेन्द्रपुल, तुलसीपुर, कोहलपुर, सुर्खेत, नेपालगन्ज, धनगढी र महेन्द्रनगर शाखा कार्यालयहरु खुल्ला रहने छन् । शाखा कार्यालय बानेश्वर र महेन्द्रपुल विजया दशमीको दिन विजया दशमीका दिन २१ गते पनि खुल्ला रहने बैंकले जनाएको छ । उक्त बिदाका दिन खुल्ला रहने शाखाहरुबाट नगद जम्मा तथा चेकको भुक्तानी गरी ग्रहाकहरुलाई सेवा प्रदान गरिने छ ।

हाल बैंकले २ सय ३८ वटा शाखा कार्यालय, २ सय ४ वटा एटीएम र ९३ वटा शाखा रहित बैंकिङ्गमर्फत् सेवा दिँदै आएको छ । गत आर्थिक वर्ष २०७५/७६ मा ५ अर्ब ३२ करोड रुपैंया खुद मुनाफा गरेको बैंकले जनाएको छ । यस अवधिमा बैंकको निक्षेप १ खर्ब ९० अर्ब रुपैयाँ र कर्जा १ खर्ब ४४ अर्ब रुपैयाँ रहेको जनाइएको छ ।

Leave a Reply

Your email address will not be published. Required fields are marked *