सेयर बजारमा उत्साह, हिजोको तुलनामा कारोबार रकम पनि दुई गुणाले बढी

काठमाडौं, ७ कात्तिक । साताको अन्तिम कारोबार दिन बिहीबार (आज) बजारमा सेयर लगानीकर्ताहरुमा उत्साह देखिएको छ । केही दिन अघि लगातार ओरालो लागेको सेयर बजारमा आज कारोबार रकमसँगै नेप्से परिसूचकमा पनि सुधार देखिएको छ । हिजो १६ कारोड ४३ लाख रुपैयाँको सेयर कारोबार भएकोमा आज दूई गुणाले कारोबार रकममा वृद्धि भएको छ ।

आज ३२ करोड ७६ लाख रुपैयाँको सेयर कारोबार भएको छ भने नेप्से परिसूचक ६.७३ अंकले वृद्धि भई ११४९.३४ विन्दुमा पुगेको छ। आज एक सय ५५ कम्पनीको १२ लाख ४ लाख १५ कित्ता सेयर खरिद–विक्री भएको छ ।

सबैभन्दा बढी सेयर कारोबार माछापुच्छ्रे बैंकको भएको छ । उक्त बैंकको ७ करोड ११ लाखभन्दा बढीको सेयर कारोबार भएको हो । नेप्सेमा सूचिकृत ११ समूहमध्ये एक समूहको उपसूचकमा गिरावट आएको छ भने बाँकी १० समूहको उपसूचक वृद्धि भएको छ । उपसूचक गिरावट आउनेमा निर्जीवन बीमा समूह रहेको छ । उक्त समूहको उपसूचक ८.१४ अंकले गिरावट आएको छ ।

Leave a Reply

Your email address will not be published. Required fields are marked *