विकास बजेट खर्च निराशाजनक, दोस्रो चौमासिकबाट खर्च बढ्ने अर्थमन्त्रीको विश्वास
काठमाडौं, २० कात्तिक । चालु आर्थिक वर्षमा केन्द्र सरकारको विकास बजेट खर्च निराशाजनक देखिएको छ । चालु आर्थिक वर्षको पहिलो चौमासिक सकिनै लाग्दा ६ प्रतिशत भन्दा कम विकास बजेट खर्च भएको छ। सरकारले चालु वर्षका लागि ४ खर्ब ८ अर्व रुपैयाँ विकास बजेट छुट्याएकोमा झन्डै २२ अर्व ३६ करोड रुपैयाँ मात्रै खर्च भएको छ ।
विकास खर्चको तुलनामा चालु खर्च निकै बढी छ । सरकारले चालु खर्च तर्फ ९ खर्ब ५७ अर्व रुपैयाँ बजेट बिनियोजन गरेको छ । त्यस मध्ये १ खर्ब ७४ अर्व रुपैयाँ बजेट खर्च भइसकेको छ। यो रकम कुल चालु खर्चको १८ प्रतिशत भन्दा बढी हो ।
चालु वर्षमा विकास खर्च कमजोर हुनुका कारणबारे यस्तो छ अर्थमन्त्रीको तर्क ।
