काठमाडौँ, २४ कात्तिक । अन्तशुल्क स्टिकर छपाईबाट ठूलो रकम विदेशिने भएपछि प्रतिनिधिसभाको सार्वजनिक लेखा समितिले छपाईका लागि बोलपत्र आवहन सम्बन्धी भएको निर्णय तत्कालिन अघि नबढाउँन सरकारलाई निर्देशन दिएको छ ।
सरकारको पछिल्लो निर्णय अनुसार अन्तशुल्क कार्यलयले अन्तशुल्क स्टिकर छपाईका लागि गरेको अन्तराष्ट्रिय बोलपत्रमा नेपाली कम्पनीले प्रतिस्पर्धा गर्न नपाउँने व्यवस्था गरेको छ । सो बिषयमा उजुरी परेपछि लेखा समितिले निर्णय कार्यन्वयन गर्न रोक लगाएको हो । यद्यपी समितिले एक बर्ष अघि नै नेपाली कम्पनीले भाग लिन सक्ने गरी आवश्यक कानून परिमार्जन गर्न अर्थ मन्त्रालयलाई निर्देशन दिएको थियो । मन्त्रालयले समितिको निर्देशनलाई बेवास्ता गरेको छ ।
स्टिर छपाईका लागि करिब ३ अर्ब रुपैयाँ बराबरको बोलपत्र आवहन गरिएको छ । आगामी पाँच बर्षका लागि नेपाली कम्पनी सहभागी हुन नपाउँने गरी बोलपत्र आवहन गरिएको छ ।
Leave a Reply