अनुसन्धान नपुगेको भन्दै रुप ज्योतिको मिसिल सरकारी वकिल कार्यालयले प्रहरीलाई फर्ता गर्यो
काठमाडौं, २८ कात्तिक । उद्योगी डा. रुप ज्योति माथि अनुसन्धान नपुगेको भन्दै जिल्ला सरकारी वकिलको कार्यालय काठमाडौंले प्रहरीलाई मिसिल फिर्ता गरेको छ ।
गत बिहीबार पक्राउ परेका रुप ज्योति र उनकी छोरी सुरुचीका विषयमा अनुसन्धान सकेको भन्दै प्रहरीले बुधबार फाइल बुझाएको थियो ।
विगेन्द्रकृष्ण मल्लले दिएको जाहेरीका आधारमा उनीहरु पक्राउ परेका थिए । तर बुधबार मल्ल आफैं जाहेरी फिर्ता लिन महानगरीय प्रहरी परिसर काठमाडौं पुगेका थिए । ठगिमा परेको भनिएका व्यक्तिले नै रकम आफूले फिर्ता पाएको भन्दै जाहेरी फिर्ता लिन चाहेकाले उनको निवेदन सरकारी वकिलको कार्यालयमा पुगेपछि प्रहरीले बुझाएको मिसिल फिर्ता पठाइएको छ ।
कार्यालयले जाहेरी फिर्ता लिन परेको निवेदन माथिसमेत अनुसन्धान गर्न भनेको छ ।
