उन्नति माइक्रोफाइनान्सको आईपिओ भर्न छुट्ला, आईपिओ भर्ने आज अन्तिम दिन

काठमाडौं, २५ पौष । उन्नति माइक्रोफाइनान्स वित्तीय संस्थाको प्राथमिक शेयर भर्ने आज अन्तिम दिने हो । माइक्रोफाइनान्सले गत शुक्रबार पौष २१ गतेदेखि प्राथमिक शेयर निष्काशन खुला गरेको हो । कम्पनीले एक करोड ६५ लाख रुपैयाँ बराबरको एक लाख ६५ हजार कित्ता साधारण सेयर निष्कासन गरेको हो ।

कम्पनीको सेयर निष्कासन तथा बिक्री प्रबन्धकमा सिद्धार्थ क्यापिटल रहेको छ । लगानीकर्ताले १० कित्तादेखि अधिकतम ८२० कित्ता सेयरसम्म आवेदन गर्न पाउने व्यवस्था यो आइपीओमा गरिएको छ । नेपाल धितोपत्र बोर्डको पछिल्लो बाँडफाँड निर्देशिका अनुसार प्रत्येक आवेदकले कम्तिमा १्र० कित्ता पर्ने गरी बाँडफाँड गरिने हुँदा १० कित्ता भन्दा बढी शेयर भर्नु बुद्धिमानी हुने छैन । प्रत्येक आवेदकलाई १० कित्ता शेयर पार्दा अधिकतम १५ हजार जना जतिले मात्र गोलाप्रथामार्फत सो बैंकको शेयर पार्ने देखिन्छ । आइपीओ शेयर भएकोले म्युचुएल फन्डलाई कुल शेयरको ५ प्रतिशत र कम्पनीको कर्मचारीलाई पनि केही शेयर बाँडफाँड गरेर बाँकी रहेको शेयर मात्र सर्वसाधारणलाई दिइने हुँदा १५ हजार जतिले मात्र सो शेयर प्राप्त गर्न सकिने देखिएको छ ।

कम्पनीले निष्काशन गरेको कुल एक लाख ६५ हजार कित्तामध्ये चार प्रतिशत अर्थात ६ हजार ६०० कित्ता संस्थाका कर्मचारीलाई छुट्याइएको छ । पाँच प्रतिशत अर्थात आठ हजार २५० कित्ता ११ वटा सामूहिक लगानी कोषलागि बाँडफाँड गरिएको छ भने बाँकी एक लाख ५० हजार १५० कित्ता सेयर सर्वसाधारणमा विक्री गर्न लागिएको हो । कम्पनीको आईपीओ धितोपत्र बोडबाट मंसिर २९ गते शुक्रबार स्वीकृत भएको थियो ।

३ करोड ८५ लाख रुपैयाँ चुक्ता पूँजी भएको माइक्रोफाइनान्सको आइपिओ पश्चात चुक्ता पूँजी ५ करोड ५० लाख पुग्नेछ । रुपन्देहीमा केन्द्रीय कार्यालय रहेको उन्नति माइक्रोफाइनान्स १० जिल्ला कार्यक्षेत्र रहेको लघुवित्त हो । कम्पनीले लुम्बिनी अञ्चलका पाँच जिल्ला रुपन्देही, कपिलवस्तु, पाल्पा, गुल्मी, अर्घाखाँचीसहित प्युठान, मनाङ, मुस्ताङ, पर्वत लगायत १० जिल्लामा वित्तीय सेवा दिँदै आएको छ । कम्पनीले चालु आर्थिक बर्षको प्रथम त्रैमासमा ४५ लाख १० हजार रुपैयाँ खुद नाफा नाफा कमाएको छ भने जगेडा कोषमा एक करोड ९३ लाख रुपैयाँ रहेको छ ।

Leave a Reply

Your email address will not be published. Required fields are marked *