राष्ट्रिय वाणिज्य बैंकमा नयाँ खाता खोल्नेले निःशूल्क सिम कार्ड पाउँने
काठमाडौं, १३ मंसिर । राष्ट्रिय वाणिज्य बैंक र नेपाल दूरसञ्चार कम्पनी लिमिटेड (नेपाल टेलिकम) बीच निःशूल्क जि.एस.एम. सिम कार्ड उपलब्ध गराउने सम्झौता भएको छ । सम्झैता अनुसार राष्ट्रिय वाणिज्य बैंकमा नयाँ खाता खोल्ने ग्राहकहरुलाई निःशूल्क नेपाल टेलिकमले जि.एस.एम सिम कार्ड उपलब्ध गराउँने छ । उक्त सम्झौतापत्रमा बैंकका प्रमुख कार्यकारी अधिकृत किरणकुमार श्रेष्ठ र नेपाल टेलिकमका प्रवन्ध निर्देशक डिल्लीराम अधिकारीले हस्ताक्षर गरेका हुन् ।
कार्यक्रममा बैंकका प्रमुख कार्यकारी अधिकृत श्रेष्ठले यो सहकार्यले प्रतिस्पर्धी रुपमा सेवा प्रदान गर्न थप उर्जा मिल्ने आगामी दिनमा दुई ठूला सरकारी संस्थाहरुले अन्य क्षेत्रमा पनि सहकार्य गरेर जान सकिने बताए । त्यस्तै टेलिकम कम्पनीका प्रवन्ध निर्देशक अधिकारीले दुबै संस्थाको यो ब्यवसायिक सहकार्यबाट समाजलाई फाईदा पुग्ने बताउनुभयो ।
