पुनर्बीमा कम्पनीको सिईआको लागि चार जना छानिए, पौडेल सबैभन्दा बलिया दाबेदार
काठमाडौं, १८ मंसिर । नेपाल पुनर्बीमा कम्पनीको प्रमुख कार्यकारी अधिकृतका लागि छनौटमा परेका उम्मेदवारको अन्तरवार्ता मिति सारिएको छ । मंसिर १२ गते भनिएको अन्तरवार्ता मंसिर २२ गते सारिएको हो । उक्त दिन उम्मेदवारले व्यवसायीक योजना समेत प्रस्तुत गर्नेछन् ।
अर्थ मन्त्रालयले रामशरण पुडासैनीको नेतृत्वमा तीन जनाको छनौट समिति गठन गरेको छ । जसमा आईक्यानबाट कृष्ण आचार्य र पुनर्बीमा कम्पनीबाट सञ्चालक रमेश राणा रहेका छन् ।
छनौट समितिले आवेदन दिएका ६ जनामध्येबाट चार जनालाई शर्ट लिस्टमा पारेको छ ।
जसमा अशोक पौडेल, चिरायू भण्डारी, शेष रमण आचार्य र शंकर कुमार रायमाझी छन् । छनोटमा परेकामध्ये अशोक पौडेल राष्ट्र बैंकको फस्र्ट क्लासबाट अवकास पाएका हुन् । उनी अहिले अर्थ मन्त्रालय अन्तर्गतको विभिन्न कार्यक्रममा संलग्न छन् । अर्थमन्त्री डा.युवराज खतिवडा राष्ट्र बैंकको गभर्नर हुँदा उनी सचिवालयमा कार्यरत थिए । यस अर्थमा उनी अर्थमन्त्री खतिवडा निकट व्यक्ति मानिन्छन् ।
त्यस्तै दोस्रो नम्बरमा रहेका चिरायू भण्डारी नेपाल पुनर्बीमा कम्पनीबाट भर्खरै अवकास पाएका हुन् । यस अघि उनले विभिन्न बीमा कम्पनीमा प्रमुख कार्यकारी अधिकृतको रुपमा काम गरिसकेका छन् । तेस्रो नम्बरमा रहेका शेष रमण आचार्य कृषि विकास बैंकको डेपुटी प्रमुख कार्यकारी अधिकृतबाट अवकाश पाएका हुन् । शंकर कुमार रायमाझी भने राष्ट्रिय वाणिज्य बैंकको १० औ तहबाट अवकास पाएका व्यक्ति हुन् । पुनर्बीमा कम्पनीको प्रमुख कार्यकारी अधिकृतको कार्य अवधि चार बर्षको हुनेछ ।
आवदेन दिएकामध्ये क्षमता र अनुभवका आधारमा चिरायू भण्डारी बलिया दाबेदार हुन । तर यसअघि जिम्मेवारी सम्हालि सकेका कारण उनी पुन दोहोरिने सम्भावना निकै न्यून छ ।
हालका अर्थमन्त्री गभर्नर हुदाँ देखि नै निकट पौडेल अहिले पनि अर्थमन्त्री डा.युवराज खतिवडाकै सदासयता रहेकोले मन्त्रालय अन्तर्गतका विभिन्न काममा सक्रिय छन् । सोही कारण कम्पनीको प्रमुख कार्यकारी अधिकृतका सबैभन्दा बलिया दाबेदार उनी नै हुन ।
