पर्यटन बोर्डका सिईओ जोशीको कार्यकाल सकिँदै, नयाँ सिइओका लागि आवेद खुला

काठमाडौं, १८ मंसिर । नेपाल पर्यटन बोर्डको प्रमुख कार्यकारी अधिकृत (सिईओ)को लागि आवेदन खुल्ला गरिएको छ । बोर्डको सिईओ छनोटका लागि गठित उपसमितिले आज आवेदन माग गरेको हो ।

बोर्डका वर्तमान सिईओ दिपकराज जोशीको ४ वर्षे कार्यकाल आगामी पुस ७ गते सकिदै छ । नेपाल भ्रमण वर्ष अगावै सिईओ नियुक्ती गर्ने उद्धेश्यले आवेदन माग गरिएको हो । इच्छुक उम्मेदवारले २१ दिन भित्र आवेदन दिन सक्ने छन् ।

भ्रमण वर्षमा सिईओको अभावमा बोर्डको काम प्रभावित हुन नदिने सरकारी योजना छ । भ्रमण वर्ष चलिरहदा नयाँलाई जिम्मेवारी दिदा अन्तर्राष्ट्रिय पर्यटन प्रवद्र्धनको काममा केही प्रभाव पार्न जाने हुदाँ जोशीलाई नै निरन्तरता दिदा उपयुक्त हुने केहीको तर्क छ ।

तर चार वर्षको अवधिमा जोशीले नेपालको पर्यटन प्रवद्र्धनमा प्रभावकारी काम गर्न नसकेको, नीजि क्षेत्रसँगको सहकार्यलाई प्रथामिकता नदिएको लगायतको आरोप केही नीजि व्यवसायीको छ । सोही कारण उनीहरु भने खुला प्रतिस्पर्धा मार्फत क्षमतावान नयाँ व्यक्तिलाई जिम्मेवारी दिनुपर्ने पक्षमा छन् ।

बोर्डको सिईओ आकर्षण जागिर हो । राम्रो पारिश्रमिकसँगै देश, विदेश भ्रमण लगायतका कारण बोर्डमै कार्यरत कर्मचारीसँगै पर्यटन व्यवसायीहरुले पनि सिईओका लागि तीब्र आकाक्षा देखाएका छन् ।

 

 

Leave a Reply

Your email address will not be published. Required fields are marked *