धितोपत्र बोर्डको अध्यक्षका लागि सटलिस्टमा परेका पाँचै जनाको आज अन्तर्वार्ता

काठमाडौं, १४ पुस । नेपाल धितोपत्र बोर्डको अध्यक्षका लागि सटलिस्टमा परेका पाँच जनाको आज अन्तर्वार्ता हुँदैछ । राष्ट्रिय योजना आयोगका सदस्य रामकुमार फुयालको संयोजत्वमा गठित समितिले आज दुई बजेपछि पाँचै जनाको अन्तर्वार्ता लिने छ ।

समितिमा फुयाल सहित राजस्व सचिव शिशिर ढुंगाना र आइक्यानका अध्यक्ष कृष्ण आचार्य सदस्य छन् ।

अध्यक्षका लागि नेपाल राष्ट्र बैंकका पूर्व कार्यकारी निर्देशक भिष्मराज ढुंगाना, नेपाल स्टक एक्सचेञ्जका पूर्व महाप्रबन्धक सिताराम थपलिया, बोर्डकै कार्यकारी निर्देशक निरज गिरी, उपकार्यकारी निर्देशक डा. नवराज अधिकारी र केशव श्रेष्ठ सर्टलिस्टमा परेका छन् ।

अन्तर्वार्ता पश्चात समितिले तीन जनाको नाम सिफारिस गर्ने छ । त्यसमध्यबाट मन्त्रीपरिषद् बैठकले अध्यक्ष नियुक्ती गर्नेछ ।

Leave a Reply

Your email address will not be published. Required fields are marked *