सेयर बजार फेरी घट्यो
काठमाडौ, २३ पुस । साताको तीन दिन लगातार बढेको सेयर बजारमा आज भने गिरावट आएको छ । आज बजार ७.३२ अंकले घटेर १२०९.६० विन्दुमा झरेको छ ।
गएको तीन कारोबार दिन बजार सुधारिएको थियो । यससँगै आगामी दिनमा पनि बजार सुधारको बाटोमा जाने अनुमान लगानीकर्ताहरुको थियो । तर आज पुन बजारमा गिरावट आएको छ । यद्यपी नेपाल राष्ट्र बैंकले घर, गाडी लगायतमा दिइने कर्जामा कडाई गरेकाले अव सेयर बजारमा उत्साह आउनेमा उनीहरु आशावादी छन् ।
आज कारोबारमा आएका १२ समूह मध्ये ५ समूहको उपसूचकमा सुधार आएपनि अन्य घटेको छ। कारोबार भने १ सय ७२ कम्पनीको ७३ करोड २१ लाख रुपैयाँ भन्दा बढीको भएको छ।
बजार घटेको दिन वोमी माइक्रोफाइनान्स वित्तीय संस्थाको सबैभन्दा धेरै सेयर किनबेच भएको छ । उक्त माइक्रोफाइनान्सको ७ करोड रुपैयाँ बराबरको सेयर किनबेच भएको छ।
