सरकारले १३ लाख ३३ हजार वर्गमिटर भन्दा बढि जग्गा फिर्ता गर्यो
काठमाडौ १३, माघ । सरकारले १३ लाख ३३ हजार बर्गमिटर भन्दा बढी जग्गा आफनो नाममा फिर्ता गरेको छ । विभिन्न व्यक्तिका नाममा रहेको आफनो जग्गा २ बर्ष भित्र सरकारले आठ वटा मालपोत कार्यलयबाट फिर्ता गरेको हो । सरकारले सबै कार्यलयबाट सरकारी, सार्वजनिक र गुठी जग्गाको विवरण संकलन गरेको छ । अन्य स्थानमा रहेका सरकारी जग्गा पनि फिर्ता हुने भूमि व्यवस्था, सहकारी तथा गरिबि निवारण मन्त्री पद्मा अर्यालले बताईन् ।
मन्त्री अर्यालका अनुसार ५९ हजार भन्दा बढी जग्गाको कारोबार रोक्का गरिएको छ । दुषित जग्गाको रुपमा रहेका उक्त जग्गाहरु कारोबार रोकिएको हो । यस्ता जग्गाहरुको थप अनुसन्धान भै रहेको भूमि मन्त्री अर्यालले बताईन् ।
विभिन्न स्थानमा रहेको सरकारी, सार्वजनिक र गुठीका जग्गा भू माफियाले आफनो नाममा गर्दै आएका छ । त्यसैले सरकारले यस्ता जग्गा फर्काउँने अभियान सुरु गरेको छ । हालसम्ममा ५० वटा मालपोत कार्यलयटबाट मात्रै सुचना संकलन भएको मन्त्रालयले जनाएको छ । मालपोत कार्यलयमा जनशक्तिको अभाव र कर्मचारी सरुवा भै रहने हुदा विवरण संकलन हुन समयमा लागेको मन्त्रालयले जनाएको छ ।
त्यस्तै, सरकारले १ लाख रोपनी भन्दा बढी जग्गा हदबन्दी भन्दा बढी रहेको पाएको छ । काठमाडौमा मात्रै १ हजार ७ सय रोपनी जग्गा, ललितपुरमा १ हजार ८ सय रोपनी जग्गा हदबन्दी भन्दा बढी रहेको पाईएको हो ।
