राष्ट्रिय वाणिज्य बैंकद्वारा जनप्रभाव उच्च मा.वि.मा सूचना प्रविधि कक्षा स्थापना
काठमाडौं, १७ माघ । राष्ट्रिय वाणिज्य बैंकले काठमाडौंको जनप्रभात उच्च मा.वि.मा सूचना प्रविधि कक्षा स्थापना गरेको छ । सामाजिक उत्तरदायित्व कार्यक्रम अन्तर्गत बैंकको प्रदेश नं ३ नम्बर कार्यालय ंर शाखा कार्यालय टेकुले संयुक्तरुपमा कालिमाटी स्थित जनप्रभात उच्च मा.वि.मा सूचना तथा संचार प्रविधि कक्षा स्थापना गरेका हुन ।
कार्यक्रममा बैंकका प्रमुख कार्यकारी अधिकृत किरणकुमार श्रेष्ठले सरकारी विद्यालयका विद्यार्थीहरुको क्षमता बृद्धिमा सूचना तथा संचार प्रविधि कक्षाले सहयोग पुर्याउने बताए । सो कार्यक्रममा बैंकका उपकार्यकारी अधिकृत देवेन्द्ररमण खनाल, ३ नम्बर प्रादेशिक कार्यालयकी प्रबन्धक सोनी श्रेष्ठ, शाखा कार्यालय टेकुका प्रबन्धक युवराज घिमिरे, प्रबन्धक रविन्द्र पोखरेल, उपप्रबन्धक गणेश प्रधान, विद्यालयका प्रधानाध्यापक सत्यन्द्रलाल कर्ण, शिक्षिका विजयाश्री बज्राचार्य लगायतकोे उपस्थिति रहेको थियो ।
