पोखारमा प्रभु बैंकका ३ वटा शाखा विस्तार
काठमाडौं, २२ माघ । प्रभु बैंक लिमिटेडले पोखरा महानगरपालिकामा एकैसाथ ३ वटा शाखा कार्यालय सञ्चालनमा ल्याएको छ । महानगरकोे हरिचोक, बाँझापाटन र अर्घौंचोक शाखा कार्यलयको आज उद्घाटन गरी सेवा सुचारु गरेको हो ।
उक्त ३ वटा शाखा कार्यालयहरु सञ्चालनमा ल्याएसँग अन्य क्षेत्रममा बैंकिङ्ग पहुँच विस्तार गर्दै सेवाग्राहीहरुलाई अत्याधुनिक प्रविधि सहित गुणस्तरीय बैंकिङ्ग सेवा उपलब्ध गराउने बैंकले जनाएको छ । यी ३ शाखाको बिस्तारसंगै समग्र पोखरा महानगरपालिकको आर्थिक विकासमा टेवा पुग्ने बैंकले विश्वास लिएको छ ।
यी शाखासहित हाल बैंकले २ सय ८ शाखा कार्यालय, १ सय ५७ एटीएम, ४३ वटा एक्स्टेन्सन काउण्टरमार्फत सेवा दिँदै आएको छ ।
