सन्राइज बैंकको ४८ औं शाखारहित बैंकिङ्ग सेवा खैरहनीमा

काठमाडौं, १ फागुन । सन्राइज बैंक लिमिटेडले चितवनको खैरहनी नगरपालिका–१३, गवैमा ४८औं शाखारहित बैंकिङ्ग सेवाको सुरुवात गरेको छ । उक्त शाखा रहित बैंकिङ सेवाको खैरहनी नगरपालिकाका उप(प्रमुख सुनिता खरेल थपलिया, सोही नगरपालिकाका वडा नं. १२ र १३ का अध्यक्ष टिकाराम तिमिल्सिना र बलकुमार उप्रेतीको उपस्थितिमा उद्घाटन गरिएको हो ।

कार्यक्रममा खैरहनी नगर उप(प्रमुख थपलियाले बैंकिङ सेवाका प्रतिनिधि ध्र्रुर्व कुमार बस्नेतलाई पोइन्ट अफ सेल मेसिन हस्तान्तरण गरिन् । उक्त पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ्ग सेवा अन्तर्गत एटीएम कार्डमार्फत् कारोबार गर्न सकिने जनाइएको छ । यस सेवाबाट निक्षेप सकंलन, रकम भुक्तानी, रकम स्थानान्तरण, बिल भुक्तानी जस्ता सेवाहरु लिन सकिने छ ।

हालसम्म बैंकले १ सय ३० वटा शाखा कार्यालय, ४८ वटा शाखारहित बैंकिङ्ग सेवा, ८ वटा एक्सटेन्सन काउण्टर र १ सय ५२ वटा एटीएममार्फत् सेवा दिँदै आएको छ ।

Leave a Reply

Your email address will not be published. Required fields are marked *