एनआईसी एशियाको ‘जति धेरै स्क्यान एण्ड पे, त्यति धेरै पैसा’ योजना सार्वजनिक

काठमाडौं, १ चैत । एनआईसी एशिया बैंकले मोबाइल बैंकिङ्गमा रहेको क्युआर कोर्ड स्क्यान गरी कारोबार गर्ने ग्राहकलाई र मर्चेन्टहरूलाई ‘जति धेरै स्क्यान एण्ड पे, त्यति धेरै पैसा’ योजनाअन्तर्गत नगद उपहारको योजना ल्याएको छ । यो योजना अवधिभर क्युआर कोर्ड स्क्यान गरी कारोबार गर्ने मर्चेन्टहरूले १५ हजार रुपैयाँसम्म र ग्राहकहरुले १ हजार ५ सय रूपैयाँसम्म नगद प्राप्त गर्न सक्ने छन् ।

साथै, लक्की ड्रमार्फत् ५ मर्चेन्टहरूले एक वर्षका लागि निःशुल्क इन्टरनेट प्याकेज प्राप्त गर्न सक्नुहुनेछ । यो सुविधा प्राप्त गर्न चैत १ गतेदेखि आगामी वैशाख १ गतेसम्म एनआइसी एशियाको मोबाइल बैंकिङ्गमार्फत कारोबार गर्नुपर्ने छ ।

ग्राहकलाई आगामी दिनमा डिजिटल बैंकिङ्गप्रति आकर्षित गर्न तथा भुक्तानीलाई प्रोत्साहन गर्न र सरकारको डिजिटल नेपालको लक्ष्य साकार पार्न थप योजनाहरु ल्याउँने बैकले जनाएको छ ।
त्यस्तै बैंकले विभिन्न नगद फिर्ता सम्बन्धी अफरहरू पनि नियमित रुपमा संचालन गरिरहेको छ । अहिले बैंकले प्रत्येक शुक्रबार बेलुकी ८ बजेदेखि शनिबार बिहान ८ बजेसम्म सञ्चालित ‘ह्याप्पी आवर’ मा मोबाइल बैंकिङ्ग सेवा प्रयोग गरी ५ प्रतिशत वा १ सय रूपैयाँसम्म नगद फिर्ता योजना र यस्तै किसिमका धेरै योजनाहरु संचालन गर्दै आएको छ

हाल बैंकले ३ सय १९ शाखा कार्याल, ४ सय ५४ एटीएम, १ सय ७ वटा एक्स्टेन्सन काउण्टर र ६० वटा शाखारहित बैंकिङ्गमार्फत् सेवा दिँदै आएको छ ।

 

 

Leave a Reply

Your email address will not be published. Required fields are marked *