भोलीदेखि सेयर कारोबार दैनिक ५ घण्टा
काठमाडौं, १ चैत । नेपाल स्टक एक्सचेञ्ज (नेप्से)ले सेयर कारोबार समयावधि थप गरेको छ । नियामक निकाय नेपाल धितोपत्र बोर्डको निर्देशनमा नेप्सेले कारोबार हुँदै आएको समयावधिमा १ घण्टा थप गरेको हो । बोर्डको निर्देशनलाई नेप्सेले चैत २ गतेदेखि परिक्षणका लागि सुरु गर्ने छ ।
बिहान ११ बजेदेखि ३ बजेसम्म हुँदै आएको सेयर कारोबार अब बिहान ११ बजेदेखि ४ बजेसम्म हुनेछ । त्यस्तै बिहान १०ः३० देखि ११ः०० बजेसम्म बोलकवोल र ४ः०० बजेदेखि ४ः०५ सम्म अन्तिम कारोबार कायम हुने नेप्सेले जनाएको छ ।
