पर्यटन उद्योगमा ५३.७६ अर्ब कर्जा, मासिक एक अर्ब कर्जा असुलीमा धक्का
काठमाडौं, १२ वैशाख । कोरोना भाइरसका कारण सबैभन्दा बढी प्रभावित पर्यटन उद्योगले बैंक तथा वित्तिय संस्थालाई बुझाउने मासिक झण्डै ९० करोड रुपैयाँ किस्ता भुक्तानी नहुँदा वित्तिय क्षेत्रको साँवा ब्याज असुलीमा दबाब परेको छ । फागुन महिनाको तथ्यांकमा आधारित रहेर पर्यटन बोर्डले गरेको सर्वेक्षण अनुसार नेपालको पर्यटन क्षेत्रमा कुल १ खर्ब १४ अर्ब रुपैयाँ लगानी छ । त्यो मध्ये झण्डै आधा लगानी बैंक तथा वित्तिय संस्थाबाट भएको देखिन्छ । बोर्डले ७८७ ओटा पर्यटन व्यवसायको सर्वेक्षण गरेको छ । एयरलाइन्स, होटल, पर्यटकीय सवारीसाधन, ट्राभल टुर्स, रेष्टुरा, ¥याफ्टिङ तथा अन्य पर्यटन व्यवसायको अध्ययन गरी बोर्डले पर्यटन क्षेत्रको पुनरुत्थानका लागि २० अर्बको राहत प्याकेज ल्याउनुपर्ने उल्लेख गरेको छ ।
पर्यटन बोर्डका अनुसार होटलमा सबैभन्दा बढी ७९ अर्ब ७८ करोड लगानी भएको छ । जसले बैंक्को २८ अर्ब ६८ करोड रुपैयाँ कर्जा उपभोग गरेको छ । यो क्षेत्रले बैंकलाई ४२ करोड ८५ लाख बैंकलाई किस्ता तिर्दै आएको छ । मासिक किस्ता तिर्दै आएको थियो । त्यस्तै, एयरलाइन्स क्षेत्रमा साढे २५ अर्ब लगानीमध्ये २१ अर्ब बैंकको ऋण परिचालन भएको देखिन्छ । यस क्षेत्रले २५ करोड १२ लाख मासिक किस्ता तिर्दै आएको छ ।
त्यस्तै ट्राभल र टुर्समा १ अर्ब ६१ करोड, पर्यटकीय सवारी साधनमा २ अर्ब ७७ करोड, ट्रेकिङ र पर्वतारोहणमा ७३ करोड, रेष्टुरामा २ अर्ब १३ करोड ८२ लाख लगानी भएको छ । रेष्टुराले मात्र ८७ करोड कर्जा उपभोग गरेको देखिन्छ । जसले ३ करोड १२ लाख मासिक किस्ता स्वरुप तिर्दै आएका थिए । चैतबाट लकडाउन शुरु भएपछि रष्टुराहरु समेत बन्द छन् । पर्यटकीय सवारीसाधन उपयोगविहीन भएका छन् । जसले बैंक तथा वित्तिय संस्थाको १ अर्ब २८ करोड ऋण उपभोग गरेका छन् र मासिक ७ करोड २२ लाख रुपैयाँ किस्ता तिर्ने गरेको पर्यटन बोर्डको सर्वेक्षणमा उल्लेख छ । सर्वेक्षणमा २३ एयरलाइन्स, २५६ होटल, ९५ सवारी साधन व्यवसायी १४४ ट्रेकिङ र पर्वतारोहण १४५ ट्राभल तथा टुर्स, ८६ रेष्टुरा, १२ ¥याफ्टीङ, २६ अन्य पर्यटन व्यवसाय सहभागी भएका थिए ।
