चालु आर्थिक वर्षमा पास भएका सबैको लाईसेन्स वितरण गछौंः महानिर्देशक हमाल (भिडियोसहित)

काठमाडौं, २१ वैशाख । यातायात व्यवस्था विभागले लकडाउनमा पनि स्मार्ट लाईसेन्स छपाईको कामलाई तिब्रता दिएको छ । यो आर्थिक वर्ष भित्र लाईसेन्स पास गर्नेहरु सबैलाई लाईसेन्स वितरण गर्ने योजना सहित काम भईरहेको यातायात व्यवस्था विभागले बताएको छ ।

६ देखि ८ महिना अगाडि लाईसेन्स पास गरेकाहरुले अहिलेसम्म स्मार्ट लाईसेन्स प्राप्त नगरेको र यो आर्थिक वर्षमा लाईसेन्स पास गर्नेहरुले लाईसेन्स प्राप्त गर्ने गरी काम भईरहेको यातायात व्यवस्था विभागमा महानिर्देशक ई.गोगन बहादुर हमालले जानकारी दिए । तर, १ वर्ष अगाडि लाईसेन्स पास गर्नेहरुले लाईसेन्स प्राप्त नभएको र राजस्व तिरेको भौचर बोकेर हिड्नु परेको गुनासो गरेका छन् ।