नेपाल टेलिकमले क्रेडिट ब्यालेन्स सुविधा दिने, फोन गर्दागर्दै पैसा सकिए पनि फोन नकाटिने

काठमाडौं, २२ माघ । नेपाल टेलिकमले क्रेडिट ब्यालेन्स दिने योजना सार्वजनिक गरेको छ । टेलिकमले दिने उक्त क्रेडिट कुनै प्रकारको व्याज लाग्ने छैन । यस योजनाले प्रिपेड मोवाइलमा कुरा गर्दा गर्दै पैसा सकिएमा ऋण लिन पाइने छ । कम्पनीले १५ औं वार्षिकोत्सवको अवसरमा यो योजनाको घोषणा गरेको हो ।
नेपाल टेलिकमको प्रतिस्पर्धी कम्पनी एनसेलले यसअघि नै यस सेवाको शुरुवा गरेको भए पनि केही रकम कटाउने गरेको थियो । उक्त सेवाको संचारमन्त्री मोहनबहादुर बस्नेतले आज एक कार्यक्रमका बीच सुरुवात गरेका हुन् ।
कुरा गर्दा गर्दै फोनको व्यालेन्स सकिए पनि फोन काटिने छैन । पछि रिचार्ज गर्दा उक्त क्रेडिट बराबरको रकम काटिने टेलिकमले जानकारी दिएको छ ।
यस्तै टेलिकमले अन्तराष्ट्रिय आगमन कल प्राप्त गर्ने कम्पनीका ग्राहकलाई पनि बोनस दिने भएको छ । प्रत्येक ७ दिनमा ७ मिनेटभन्दा बढी कल प्राप्त भएमा आगामी माघ २५ गतेदेखि आगामी बैशाख २५ गतेसम्मको लागि यस्तो प्याकेज दिने भएको हो ।

Leave a Reply

Your email address will not be published. Required fields are marked *