भाटभटेनीका अध्यक्ष गुरुङले ११ करोड लागतमा त्रिवि शिक्षण अस्पतालमा भवन बनाइदिने
काठमाडौं, ३ असार । भाटभटेनी सुपरमार्केटका अध्यक्ष मीनबहादुर गुरुङले त्रिवि शिक्षण अस्पताल परिसरमा अर्को भवन बनाइदिने भएका छन् । गुरुङले ११ करोड रुपैयाँ लागतमा उक्त भवन बनाइदिन लागेका हुन् ।
भवन १० महिनाभित्रै निर्माण सम्पन्न गरी हस्तान्तरण गर्ने योजना रहेको छ । भाटभटेनी सुपरमार्केटका प्रबन्ध निर्देशकसमेत रहेका गुरुङ र भाइ पहलमान गुरुङले स्वर्गीय बुबा वृषबहादुर गुरुङ र आमा धनमाया गुरुङको स्मृतिमा उक्त भवन बनाउन लागेका हुन् ।
गुरुङले यसअघि पनि करिब १० करोड लागतमा त्रिवि शिक्षण अस्पतालको आकस्मिक कक्षसहितको भवन निर्माण गरिदिएका थिए ।
