तीन पटक पोजेटिभ सर्किट लागेपछि शेयर कारोबार बन्द
काठमाडौं, १७ असार । शेयर बजार परिसूचक (नेप्से) ६ प्रतिशतले बढेपछि आजका लागि कारोबार बन्द भएको छ। तीन पटक पोजेटिभ सर्किट ब्रेक लागेपछि बजार बन्द भएको हो।
नेप्से परिसूचक ७५.७७ अंकले बढेर १३३६.५२ अंकमा उक्लिएको छ। हिजो पनि नेप्सेमा ३ पटक पोजेटिभ सर्किट ब्रेक लागेको थियो।
डेढ महिनापछि सोमबारबाट बजार खुलेको हो ।
आज १ सय ३५ कम्पनीको ४० करोड ७३ लाख रुपैयाँ बराबरको मात्र शेयर कारोबार भएको छ । नेपाल लाईफको सबैभन्दा धेरै अर्थात ६ करोड ७६ लाख रुपैयाँ बराबरको शेयर कारोबार भएको छ ।
