रिचार्जर एपमा के एन ९५ मास्क ५० रुपैयाँमै खरिद गर्न सकिने
काठमाडौं, २७ असार । अहिले बजारमा बिक्री भैरहेका के एन ९५ मास्क रिचार्जरले ५० रुपैंयामा उपलब्ध गराउने भएको छ । रिचार्जरले अब ग्राहलाई ५० रुपैयाँमा नै के एन ९५ मास्क उपलब्ध गराउँने जानकारी दिएको हो ।
त्यस्तै कोभिड प्रतिरोधात्मक भिटामिन सी युक्त डबल सी ब्राण्डको जुस १ सय रुपैयाँमा एउटा किन्दा एउटा सित्तैंमा उपलब्ध हुने ग्लोबल की टेक्नोलोजीका अध्यक्ष अलाइभ ग्लाइडरले बताए । बरकम र एन एक्स २००० ब्राण्डका इन्फ्रारेड थर्मलगन ५० प्रतिशत छुटमा रिचार्जरमा किन्न सकिने उनको भनाई छ ।
त्यसैगरी रिचार्जरले विश्व स्वास्थ्य संगठनले सर्टिफाइ गरेको एन ९५ मास्क नेपालमा पनि भित्र्याएको जनाएको छ । हालसम्म नेपालमा उपलब्ध नभएको उक्त मास्क मोबाइल एप रिचार्जरले नेपालमा भित्र्याएको विज्ञप्तिमा उल्लेख छ । ९५ प्रतिशतसम्म हावालाई पूर्ण रुपमा फिल्टर गर्न सक्ने उक्त मास्क कोभिड संक्रमणको जोखिमबाट बच्नका लागि धेरै उपयोगी हुने जनाइएको छ ।
रिचार्जरले घर, पसल, अफिस, बैंक तथा वित्तीय संस्था, होटललगायत सबै क्षेत्रका लागि कोभिड प्रोटेक्टिभ प्रोडक्टहरु सस्तो मूल्यमा उपलब्ध गराउँदै आएको छ ।
