सञ्चय कोषका ऋणीहरूले साँवा ब्याजसहितको किस्ता एनआईसी एशिया बैंकबाट भुक्तानी गर्न सक्ने
काठमाडौं, ७ साउन । एनआईसी एशिया बैंकले कर्मचारी सञ्चय कोषबाट कर्जा उपभोग गरिरहेका ऋणीहरूले साँवा ब्याजसहितको किस्ता रकम विद्युतीय माध्यमबाट भुक्तानी गर्न सक्ने गरि समझदारी गरेको छ । बैंकले आफ्नो सेवालाई डिजिटलाईजेसन गर्दै जाने योजना अनुरुप कोषसँग सम्झौता गरेको जानकारी दिएको छ ।
सम्झौता पत्रमा बैंकका तर्फबाट सहायक प्रमुख कार्यकारी अधिकृत सन्तोष कुमार राठी र कोषका मुख्य प्रबन्धक अर्जुन कुमार गौतमले हस्ताक्षर गरेका छन् । बैंकले नेपाल क्लियरिङ्ग हाउससँगको सहकार्यमा कोषबाट कर्जा सुविधा लिइरहेका ऋणीहरूको सुविधाका लागि यो व्यवस्था गरेको जानकारी दिएको छ । ्
हाल बैंकले ३ सय २६ शाखा कार्यालय, ४ सय ६४ एटिएम, १ सय १ वटा एक्स्टेन्सन काउण्टर एवं ६१ वटा शाखा रहित बैंकिङ्गमार्फत् बैंकिङ्ग सेवा प्रदान गर्दै आएको छ । त्यस्तै, बैंकको ग्राहक संख्या २१ लाख भन्दा बढी रहेको छ ।
