प्रभु बैंकले आगामी साता २० लाख इकाई ऋणपत्र बिक्री गर्दै
काठमाडौं, ११ साउन । प्रभु बैंकले आगामी साताको सोमबारबाट २० लाख इकाई ऋणपत्र बिक्री खुला गर्ने भएको छ ।
त्यसमध्ये ८ लाख इकाई सर्वसाधारण र ४० हजार इर्का सामूहिक लागानी कोषहरुले पाउनेछन् । बाँकी १२ लाख इकाई भने बैंकले आफ्नै पहलमा कर्पोरेट हाउस तथा अन्य संस्थाहरुलाई बेच्नेछ ।
यो ऋणपत्रमा वार्षिक १० प्रतिशत ब्याजदर पाइनेछ । बैंकले प्रतिइकाई १ हजार रुपैयाँ दरमा २ अर्ब रुपैयाँ बराबरको ऋणपत्र बिक्री गर्नेछ । न्यूनतम २५ इकाईदेखि अधिकतम ३ लाख इकाईसम्म आवेदन दिन सकिनेछ । बिक्री प्रबन्धकमा नबिल इन्भेष्टमेन्ट बैंकिङले रहेको छ ।
