नागवेली लघुवित्तको ४ लाख ३५ हजारभन्दा बढी बोनस शेयर नेप्सेमा सूचीकृत
काठमाडौं, २४ भदौ । नागवेली लघुवित्त वित्तीय संस्था लिमिटेडको बोनस शेयर नेपाल स्टक एक्सचेञ्ज नेप्सेमा सूचीकृत भएको छ । कम्पनीको गत माघ २६ गते सम्पन्न साधारण सभाबाट पारित २६ प्रतिशत अथवा ४३५९६६.७० कित्ता बोनस शेयर बुधबार नेप्सेमा सूचीकृत भएको हो ।
मिर्मिरे लघुवित्त वित्तीय संस्थाले उक्त कम्पनीलाई प्राप्ति गरी गत भदौ ७ गतेदेखि मिर्मिरे लघुवित्त वित्तीय संस्थाको नामबाट एकीकृत कारोबार शुरु गरिसकेको छ । आवश्यक प्रकिया पुरा भएपछि अब मिर्मिरे लघुवित्त वित्तीय संस्थाको नामबाट कम्पनीको शेयर कारोबार हुनेछ ।
