नेप्से परिसूचक १५०० माथि उक्लियोे, एनआरएन इन्फ्राइष्टक्चरको शेयर मूल्यमा नकारात्मक सर्किट
काठमाडौं, २४ भदौ । बुधबार (आज) नेपाल स्टक एक्सचेञ्ज (नेप्से) १३.०५ अंक वृद्धि भएर बन्द भएको छ । आज नेप्से परिसूचक वृद्धि भएसँगै १५०८.२० विन्दुमा उक्लिएको छ । १९४ कम्पनीको २९ हजार १२४ पटकको कारोबारमा ५७ लाख ९८ हजार ५३२ कित्ता शेयर २ अर्ब ५६ करोड रुपैयाँमा खरिद विक्री भएको छ ।
आज एनआरएन इन्फ्राइष्टक्चर डेभलपमेन्ट लिमिटेडको शेयर मूल्य ९.९२ प्रतिशत घटेर नकारात्मक सर्किट लागेको छ । यो कम्पनीको शेयर मूल्य ३५४ रुपैयाँ कायम भएको छ ।
त्यस्तै रिलायन्स लाइफ इन्स्योरेन्स कम्पनी र राष्ट्रिय बीमा कम्पनीको शेयर मूल्य १० प्रतिशत वृद्धि भई सकारात्मक सर्किट लागेको छ । आज रिलायन्स लाइफ इन्स्योरेन्सको प्रतिशेयर मूल्य ३४ रुपैयाँ वृद्धि भई ३७४ रुपैयाँ कायम भएको छ भने राष्ट्रिय बीमा कम्पनीको ९८८ रुपैयाँ वृद्धि भई १० हजार ८६८ रुपैयाँ कायम भएको छ ।
सर्वाधिक शेयर कारोबार नेपाल पुनर्बीमा कम्पनी लिमिटेडको भएको छ । यो कम्पनीको २२ करोड ३१ लाख रुपैयाँभन्दा बढीको शेयर कारोबार भएको हो । आज पुनर्बीमा कम्पनीको शेयर मूल्य ८९१ रुपैयाँ कायम भएको छ ।
कारोबारमा आएका १२ समूहमध्ये बैंकिङ्ग समूहको र विकास बैंक समूहको परिसूचक घटेको छ ।