सरकार विस्तारको गृहकार्यमा बामगठबन्धन, भोली पूर्णता दिने तयारी
काठमाडौं, ९ फागुन । नेकपा एमालेका अध्यक्ष केपी शर्मा ओलीको नेतृत्वमा नयाँ सरकार गठन भएको एक साता वित्न लागेपनि बामगठबन्धनको घटक नेकपा माओवादी केन्द्रसँग मन्त्रालय भागबन्डामा सहमति नजुटदा अझै सम्म पनि सरकार विस्तार हुन सकेको छैन ।
सरकार विस्तारका लागि आज बसेको प्रधानमन्त्री एवं एमाले अध्यक्ष केपी शर्मा ओली र माओवादी केन्द्र अध्यक्ष पुष्पकमल दाहाल बीचको बैठकले ठोस निष्कर्ष निकाल्न सकेन । जसको कारण आज हुने भनिएको सरकार विस्तारलाई प्रयाप्त गृहकार्य नपुेगेको भन्दै भोलीका लागि सारिएको छ । बामगठबन्धने एकै पटक सरकारलाई पूर्णता दिने गरि गृहकार्य गरिरहेको बुझिएको छ ।
दुबै पार्टीमा मन्त्रीपरिषद्का सहभागि हुने आकांक्षी धेरै भएपनि त्यसलाई व्यवस्थापन गर्न शिर्ष तहलाई निकै कठिन परेको देखिन्छ । ओली नेतृत्वको मन्त्रीपरिषद्मा अहिले जनसंख्या तथा वातावरण मन्त्री लालबाबु पण्डित र महिला, बालबालिका एवं समाजकल्याण मन्त्री थममाया थापा मात्र छन् । अरु बाँकी सबै मन्त्रालयको जिम्मैबारी प्रधानमन्त्री ओली स्वयंमले लिइरहेका छन् ।
