बहराइनका राजकुमारसहितको टोलीद्वारा लोबुचे हिमालको सफल आरोहण
काठमाडौं, १७ असोज । बहराइनका राजकुमार सहितको टोलीले लोबुचे हिमालको सफल आरोहण गरेको छ । आरोहणको व्यवस्थापनको जिम्मामा रहेको सेभेन समिट ट्रेकका अनुसार शनिबार बिहान ८ः५० बजे टोली चुचुरोमा पुगेको हो ।
लोबुचेको उचाई ६ हजार ११९ मिटर रहेको छ ।
हिमाल आरोहण गर्न बहराइनका राजकुमार सहितको टोली भदौ ३१ गते काठमाडौं आईपुगेको थियो । टोलीमा १५ जना बहराइन र ३ जना बेलायतका नागरिक छन् ।
