नागरिक स्टक डिलरको सीईओमा महेश्वरलाल श्रेष्ठ नियुक्त
काठमाडौं १९ असोज । नागरिक लगानी कोषको सहायक कम्पनीका रूपमा स्थापित नागरिक स्टक डिलर कम्पनी लिमिटेडको प्रमुख कार्यकारी अधिकृत (सीईओ)मा महेश्वरलाल श्रेष्ठ नियुक्त भएका छन् । श्रेष्ठ आगामी चार बर्षका लागि प्रमुख कार्यकारी अधिकृतका रुपमा नियुक्त भएका हुन् ।
श्रेष्ठ नेपाल राष्ट्र बैंकको कार्यकारी निर्देशकबाट अवकाश प्राप्त हुन् । चार्टर्ड एकाउन्टेन्ट श्रेष्ठ राष्ट्र बैंकको तर्फबाट नेपाल बैंक लिमिटेडको प्रमुख कार्यकारी अधिकृतसमेत नियुक्त भएका थिए ।
यस अघि कम्पनीको व्यवस्थापनको जिम्मा प्रवन्ध सञ्चालक डा. इन्द्रकुमार कटेलले पाएका थिए ।
