तिहारको विदामा बैंकका शाखा बन्द रहने, डिजिटल बैंकिङ्गलाई प्राथमिकता दिन आग्रह
काठमाडौं, २५ कात्तिक । तिहारको विदामा ३ दिन बैंकहरु नखुल्ने भएका छन् । नेपाल बैंकर्स संघले तिहारको विदामा कार्तिक २९ गतेदेखि मङ्सिर १ गतेसम्म गरि ३ दिन बैंकका शाखाहरु नखुल्ने जनाएको हो ।
संघले विश्वव्यापी महामारीको रुपमा फैलिएको कोभिड–१९ को संक्रमण मुलुकमा पनि बढदै गएको र पछिल्ला केही दिनहरुमा सो संख्या झन् बढदै गएकोले शाखा नखोल्ने निर्णय गरेको बताएको छ । संघका अनुसार हालसम्म वाणिज्य बैंकका ६ हजार धेरै कर्मचारीहरु संक्रमित भईसकेका छन् ।
संघले शाखा बन्द हुने भएपनि डिजिटल बैंकिङ सेवा सुचारु रहने जनाएको छ । अघिल्ला वर्षहरुमा भने तिहार विदाको समयमा पनि बैंकका सिमित शाखाहरु खुल्ने गरेका थिए ।
