तेलको मूल्य बढेकोमा विभागको ध्यानाकर्षण, व्यबसायीलाई भोलीसम्म कारण पेस गर्न निर्देशन

काठमाडौं, २० पुस । वाणिज्य, आपूर्ति तथा उपभोक्ता संरक्षण विभागले तेल उद्योगीलाई भोलीसम्म तेलको मूल्य बढ्नुको कारण पेस गर्न निर्देशन दिएको छ । विभागले हिजो तेल उद्योगीसँग छलफल गर्दै उद्योगीलाई भोलीसम्म कारण पेस गर्न निर्देशन दिएको हो ।

छलफलका क्रममा उद्योगीले तेल सनफ्लावर र सोयाबिनको तेल कच्चा पदार्थका कारण महँगो भए पनि तोरीको भाउ नबढेको दाबी गरेको पनि विभागले जनाएको छ । व्यापारीहरुका अनुसार पछिल्लो दुईरतीन महिनाको बीचमा सोयाबिन र सनफ्लावरमा प्रतिकार्टोन तीन सय रुपैयाँ सम्म महँगो भएको छ ।

उता व्यापारीले भने सनफ्लावर र सोयाबिनको तेलसँगै तोरीको तेलको भाउ पनि बढेको बताएका छन । विभागका अनुसार छलफलमा तेल उत्पादनका मुख्य उद्योग शिवशक्ति, दुगड, गणपति, केडियाका प्रतिनिधि सहभागिता थिए ।