सुनको मूल्य उकालो लाग्यो
काठमाडौं, २ माघ । शुक्रबार (आज) स्थानीय बजारमा सुनको मूल्य वृद्धि भएको छ । नेपाल सुनचाँदी व्यवसायी महासंघका अनुसार आज छापावाला सुनको मूल्य ४०० रुपैयाँले उकालो लागेको हो ।
आज छापावाला सुन प्रतितोला ९२ हजार ५०० रुपैयाँमा कारोबार भएको छ । बिहीवार छापावाला सुनको मूल्य प्रतितोला ९२ हजार १०० रुपैयाँमा कारोबार भएको थियो । त्यसैगरी, तेजाबी सुन प्रतितोला ९२ हजारमा कारोबार भएको छ ।
यस्तै, आज चाँदीको मूल्य पनि उकालो लागेको छ । बिहीबार प्रतितोला १ हजार २४५ रुपैयाँमा कारोबार भएको चाँदी शुक्रबार १ हजार २६० रुपैयाँमा खरीदविक्री भइरहेको महासंघले जनाएको छ । बिहीबारको तुलनामा आज चाँदीको मूल्य १५ रुपैयाँले बढेको हो ।
