नेप्से परिसूचक १७ अंकले घट्यो, सबैभन्दा बढी मूल्यको शेयर कारोबार नेपाल लाइफको
काठमाडौं, १३ माघ । मंगलबार (आज) नेप्से परिसूचक १७.७९ अंकले घटेर बन्द भएको छ । आज नेप्से परिसूचक घटेर २४२३.०९ विन्दुमा रोकिएको हो । घटेको बजारमा नेपाल लाइफ इन्स्योरेन्स कम्पनी लिमिटेडले सर्वाधिक बजार हिस्सा ओगटेको छ । आज यो कम्पनीको १ अर्ब ४५ करोड ७ लाख रुपैयाँको शेयर खरिद विक्री भएको हो । यो कम्पनीको प्रतिशेयर मूल्य २ हजार ८७२ रुपैयाँ कायम भएको छ ।
२०७ कम्पनीको १ करोड ९६ लाख ६ हजार ५५५ कित्ता शेयर ८ अर्ब २७ करोड ९७ लाख रुपैयाँमा खरिद विक्री भएको छ । सर्वाधिक शेयर मूल्य वृद्धि गुँरास लघुवित्त वित्तीय संस्था लिमिटेडको भएको छ । यो कम्पनीको शेयर मूल्य ९.९७ प्रतिशतले वृद्धि भएको हो । त्यस्तै प्रभु लाइफ इन्स्योरेन्स र यूनाइटेड फाइनान्स लिमिटेडको शेयर मूल्य ९ पतिशतभन्दा बढीले वृद्धि भएको छ ।
कारोबारमा आएका १२ समूहमध्ये होटल समूह र वित्त समूहको परिसूच वृद्धि भएको छ भने बाँकी समूहको परिसूचकमा कमी आएको छ । आज होटल समूहको परिसूचक २.६८ प्रतिशत र फाइनान्स समूहको परिसूचक १.१२ प्रतिशतले वृद्धि भएको छ ।
