कामना सेवा विकास बैंकले माघ २२ देखि १ अर्बको ऋणपत्र जारी गर्ने
काठमाडौं, १४ माघ । कामना सेवा विकास बैंकले १ अर्ब रुपैयाँ बराबरको ऋणपत्र निष्काशन गर्ने भएको छ। बैंकको १ हजार रुपैयाँ अंकित दरका १ अर्ब रुपैयाँ बराबरको १० लाख कित्ता ऋणपत्र यही माघ २२ गतेदेखि जारी गर्न लागेको हो।
कुल निष्काशन गरिने ऋणपत्रमध्ये ६० करोड रुपैयाँ बराबरको ६ लाख कित्ता व्यक्तिगत तबरबाट बिक्री गरिने छ भने बाँकी ४० करोड रुपैयाँ बराबरको ४ लाख कित्ता सर्वसाधारणलाई बिक्री गरिने छ । त्यसमा २० हजार कित्ता भने सामूहिक लगानी कोषको लागि छुट्याइएको छ ।
ऋणपत्र खरिद गर्न चाहनले न्यूनतम २५ कित्तादेखि अधिकतम २० हजार कित्तासम्म माघ २६ गतेसम्म आवेदन दिन सक्ने छन् ।
